REHIYON 12, ANAA NA SA 80% SA BAKUNA BATOK MEASLES UG RUBELLA

22

General Santos City–Anaa na sa 80.30% ang turn-out sa measles-rubella campaign sa tibuok Rehiyon 12 kon 463, 675 ka mga bata edad 5 anyos paubos ang nabakunahan na. Sumala kang Arjohn Gangnoso, tigpamaba sa DOH 12 nga pinakadaghan nga nabakunahan mao ang probinsya sa South Cotabato nga anaa sa 88.69% ug gisundan sa Sarangani Province nga ana sa 88. 37%.

Samtang sa dakbayan sa Gensan ang adunay pinakagamay nga ihap nga ana lang sa 72. 33% ka mga bata ang nabakunahan. Dugang pamahayag ni Gangoso nga aduna gyud mga problema nga gina-atubang ang mga nagapahigayon ug bakuna sama sa panahon tungod sa kalit-kalit nga pagbundak sa ulan.


Lakip matud pa sa hinungdan sa ubos nga turn-out sa bakuha mao ang mga lugar nga gipa-ilalom sa lockdown tungod sa kaso sa Covid 19. Gani aduna na silay mga stratehiya nga ginahimo sama sa fix post ug temporary post kung asa ginalibot na nila ang mga barangay aron ma-awhag ang mga ginikanan nga mapabakunahan ang ilahang mga anak.

Malaumon man usab ang DOH 12 nga ayha matapos ang Nobyembre 25 nga maoy uwahaweng adlaw para sa bakuna, makab-ot nila ang 100% nga target sa mga kabataan sa Rehiyon. Nakig-alayon na usab sila sa mga barangay alang sa pagpahigayon ug rekorida o information dissemination para sa ginahimong aktibidad aron ma-awhag ang mga ginikanan nga pabakunahan ang ilahang mga anak.(LVR)

Facebook Comments