Reklamo nga napasaka sa VACC Region 10, daghan na

Malaybalay City Bukidnon – Gipasidunggan isip Best Regional VACC ang Volunteers Against Crime and Corruption kon VACC Region 10.

Gitunol ang pasidunggog atol sa gihimong 19th founding anniversary sa VACC nga gihimo sa MalacaƱang kung asa si Pangulong Rodrigo Duterte ang nahimong guest speaker.

Sa interview sa RMN Malaybalay ngadto kang Engr. Rodolfo Pancrudo, ang regional chairman sa VACC 10 gibutyag niini nga bisan siya nakurat nga ang VACC 10 ang napiling Best Regional VACC sa tibook nasud.


Matud niya nagsugod ang VACC sa rehiyon sa Bukidnon, Lanao del Norte, Camigiun ug sa Misamis Oriental.

Gi-angkon usab niya nga daghan nang kaso ang ilang napasaka batok sa pipila nga nalambigit sa kurapsyon.

Daghan na usab matud pa sila ug natabangan, apil na ang paglaban sa mga Indigenous Peoples nga gi-ilugan ug mga yuta.

Facebook Comments