Rellon: Tagumeños abtik vs LSIs, visitors

26

Davao City – Igmat si Tagum City Mayor Allan Rellon sa pagdawat sa mga Locally Stranded Individuals (LSIs) nga mipauli sa ilang syudad diin mao kini ang ilang istratehiya aron pugngan ang dugang pagsaka sa ihap sa COVID_19 cases.


Matud ni Rellon, dili nila puwedeng balibaran ang ilang katawhan nga natanggong sa laing mga lugar ug mupauli sa ilang dakbayan busa ila gayod gipreparahan og maayo ang gikinahanglan sama sa isolation facilities ug health protocols.

Gikan sa pagsundo sa Davao International Airport, dal_on sa mga isolation facilities ang mga LSIs aron mapahigayonan ang COVID swab testing bisan pa man nagpresenta sila og sertipiko nga negatibo sila sa virus gani migawas sa ilang latest evaluation nga siyam ka mga OFWs nga naka-avail sa ‘Balik Probinsiya’ program nag-positibo diay sa maong kagaw.

Sa Tagum City, mukabat sa 19 na ang mga kaso diin gikan April hangtud May 10 ang natala ug samtang sa June, 9 ang natala diin usa ang patay ug 12 ang nakarekober samtang anaa sa 202 ang gikunsiderang ‘Persons Under Monitoring.’

Walay problema alang kang Rellon kon aduna ma’y laing hugna nga muabot sa mga LSIs gumikan andam gihapon nila kining dawaton ug nga kampante ang alkalde nga may igo pang mga isolation facilities alang sa mga posibleng magpositibo sa virus atol sa adlaw sa ilang pag-abot sa maong syudad.

Kabahin sa gitun-an karon sa Tagum LGU mao ang self quarantine kon home quarantine en caso nga mapuno ang mga pasilidad tungod sa kadaghan unya sa mga arrivals.

Gimandoan na usab ni Rellon ang mga Barangay Health Workers (BHWs) nga mutabang og monitor sa mga LSIs nga nakauli apan wala muagi sa LGU aron masuta ang ilang kahimtang sa panglawas ug aron sa ingon masanta ang dugang pagkunayap sa makamatay nga virus.




Walay problema sa mayor kon ugaling walay itugot nga international ug domestic flights sa mga eroplano diin andam silang musunod sa bisan unsang palisiya ug direksyon nga tahakon sa national level labot sa langyaw ug lokal nga biyahe sa mga eroplano sa nasud.

RadyoMaN Joel Viray

Facebook Comments