Repair sang mga belliting schools tinguhaan nga matapos bag-o ang 2018 SRAA meet.

Tinguhaan nila suno kay Oic Provincial Engineer Vicenti Ayungao nga matapos bag-o ang patigayunon nga Socsargen Regional Athletic Association ukon SRAA meet sa Pebrero 17-21 subong nga tuig ang repair sang mga belliting schools nga nahamtang sa banwa sang Banga, Tampakan, Surallah kag Tantangan.
Ini matapos nga mangin host sang SRAA 2018 ang Provincial Government sang South Cotabato.
May-angot sini suno kay Engr. Ayungao nagalab-ot sa masobra P2.3 million ang gin-alokar nga pondo sang provincial government para sa repair sang mga classrooms sa cluster 1 nga ginalakipan sang San Vicenti National High School, Reyes Elementary School, kag Banga Central Elementary School sa banwa sang Banga, Surallah Central Elementary School kag Libertad National High School sa banwa sang Suralah.
Samtang masobra naman sa P1.2 million ang pondo para sa cluster 2 nga ginalakipan sang Tantangan National Trade School, San Felipe National High School kag Dumadalig National High School sa banwa sang Tantangan, Tampakan National High School kag Tampakan Central Elementary School.

Facebook Comments