Report nga may nagapangdagit ug bata sa lungsod sa Alabel-fake news sumala sa PNP

11

General Santos City–Walay kamatuoran ang mga nangkatag nga mga report sa lungsod sa Alabel nga adunay mga tawong gapangdagit ug bata.

Base sa nangkatag nga mga report duna matud pay van nga kolor puti nga nagatuyok-tuyok sa lungsod aron nga manguha ug bata apan giklaro sa Alabel PNP nga wala kini kamatuoran sanglit fake news lamang.

Gibutyag ni Police Captain Boby Maghirang, Deputy Station Commander sa Alabel Municipal Police Station nga walay mipatala sa ilang buhatan nga ginikanan nga nawala ang anak.

Giawhag nalang ni Captain Maghirang ang mga ginikanan nga bantayan nalang ang ilang mga anak.Apan iyang gihingusgan nga dili dayon mutuo-tuo niining nanghatag nga mga balita nga adunay mga tawo nga gapangdagit sa bata.

Hangtod sa kasamtangan matud pa wala may report nga nahidangat sa ilang buhatan nga nagpamatuod nga aduna gyoy gidagit nga mga bata sa ilang lugar.

Facebook Comments