Ginpatuman sang Commission on Elections ang pagbalasa sa mga election supervisors sa rehiyon 6 sadtong Disyembre 28.
Suno kay Comelec Regional Director Atty. Dennis Ausan, ginhimo sang Comelec Central Office ang pagbalasa angut sa Mayo 13 nga eleksyon.
Angut sini, si Iloilo election supervisor Elizabeth Doronila ang gin-assign na sa Probinsya sang Aklan kag ini siya ang gintal-usan ni Atty. Roberto Salazar gikan sa Antique.
Si Salazar ang ginbuslan naman ni Atty. Wil Arsenio gikan sa Capiz nga gintal-usan naman ni Atty. Jesse Suarez gikan sa Negros Occidental.
Nagbulos kay Suarez sa Negros Occidental amo si Atty. Villanueva gikan sa Guimaras nga ginbuslan naman ni Atty. Analoria gikan sa Aklan.
Samtang si Atty. Dennis Ausan ang ginalauman nga igasaylo naman sa rehiyon 7.
Suno kay Ausan nga masami gina-reshuffle sila sa tagsa ka mag-abot ang eleksyon.
