Resignation sa mga Doctor dili makaapekto sa serbisyo Medical sa Butuan

38

Busa gipaniguro resignation sa mga doctors dili makaapekto sa BMC; PPP nga ospital gitun-an
Gipaniguro ni City Councilor Cherry Mae Busa chairperson sa committee on health nga dili maapektuhan ang serbisyong medical sa resignation sa pipila ka mga medical officers sa Butuan City Medical Center.
Sumala pa ni Busa, nga ubay ubay pang mga doctor ang naka contract of service nga maoy mo hulip sa mga nag resign, wala na mo renew sa contract, nagretire ug ang uban nagsakit.
Basi sa dokumento nga nakuha ning sibyaan ang 4 ka mga doctor nga nag-resign mao sila si Dr. Mohaynisam Madali- Salacop (medical specialist), Dr. Connie Leong (medical officer III), Dr. Maria Lovell Escobilla (medical specialist) ug Dr. Leodegary Go (medical officer).
Samtang ang 7 ka mga doctor usab nga wala na ma-renew ang kontrata sa BMC mao sila si Dr. Mary Ena Palen- Santos (medical officer), Dr. John Daan (medical officer), Dr. Mario Gerald Gamutan (medical specialist), Dr. Edna del Rosario (medical officer), Dr. Dorothy Macuno (medical officer III) ug Dr. Lorianne Boter (medical officer II).
Dasun pa sa opisyal 42 ang tanang doctor nga nagserbisyo sa BMC ug nagtoo siya nga dili makaapekto ug daku sa serbisyong medical sa BMC ang pagkawala sa 11 ka mga doctor. Daghan usab nga mga partners nga pribadong doctor kinsa sukad kaniadto andam motabang sa BMC ilabina sa mga Internist subay sa away batok sa COVID 19.
Sa pikas nga bahin, gibutyag ni City Administrator Rey Desiata sa City Hall, nga kamulo pa karun gitun-an sa LGU Butuan ang plano nga mutukod ug usa ka tambalanan pinaagi sa Private Public Partnership PPP.
Nasayran nga 2016 pa lamang gitun-an na sa City Hall ang pagbaton ug tambalanan nga ipaagi sa PPP gani aduna nay benchmarking nga gihimo kalabot niini.
Usa ka Taiwanese company sumala pa ang mamahimong ka partner sa LGU Butuan, ug kung mahuman na ang feasibility study i submit na kini sa foreign partner.

Facebook Comments