Resolusyon nagsuporta sa NTF-ELCAC, aprobado sa Sangguniang Panlalawigan sa Bukidnon

44

HINI-USANG gisuportahan sa mga miyembro sa Sangguniang Panlalawigan (SP) sa Bukidnon ang resolusyon nga nagpakita ug suporta sa tinguha sa nasudnong pangagamhanan nga tutokan ang mga programa ug proyektong pangkalambuan sa mga barangay sa tibuok nasud, pinaagi sa National Task Force to End Local Communist Armed Conflict (NTF ELCAC).

Kini mao ang tinguha sa Resolusyon Numero 2020-1876(26th SP), nga giulohan: RESOLUTION EXPRESSING SUPPORT TO THE BARANGAY DEVELOPMENT PROGRAMS/PROJECTS TO COUNTER COMMUNIST INSURGENCY PARTICULARLY IN THE PROVINCE OF BUKIDNON AND REQUESTING CONGRESS TO RETAIN THE PROPOSED PhP19.13 BILLION ALLOCATION FOR THE NATIONAL TASK FORCE TO END LOCAL COMMUNIST ARMED CONFLICT (NTF-ELCAC) IN THE 2021 GENERAL APPROPRIATIONS BILL AND APPROVE THE SAME aron hugot nga masuportahan ang katuyuan sa NTF ELCAC.


Pinasikad sa Executive Order No. 70 ni Presidente Rodrigo Duterte, gipaningkamotan nga makunhuran o hingpit mawagtang ang mga problema sa insurhensiya sa nasud, pinaagi sa katukoran sa Whole-of Nation Approach, subay sa ipatuman nga mga programa ug proyekto, sama sa pa-tubig, pag-ayo sa mga dalan ug panginabuhian.

Kung hingpit mapatuman ang programa ug proyekto sa NTF ELCAC, hayan 91 ka mga barangay sa Bukidnon ang makapahimulos niini.

Alayon niini, ipahigayon sa Provincial Task Force ELCAC ang Strategic Communication Cluster Meeting tali sa mga miyembro niini uban ang sakop sa prensa, aron hisgutan ang mga pamaagi sa pagpakatag sa impormasyon may kalabutan sa mga mamahimong programa sa NTF ELCAC, karong adlawa Biyernes-Nobyembre 6, 2020 sa 403rd Brigade, Philippine Army.

Facebook Comments