Retiradong pulis sa Bukidnon, nakapusil og mag-uuma

Gipaubos karon sa imbistigasyon sa kapolisan sa Kalilangan, Bukidnon ang usa ka retiradong pulis human kini nakapusil sa mag-uuma.

Naila ang suspek nga si Jaime Tabilla nga taga-Purok-4, Central Poblacion sakop sa maong longsod, samtang ang biktima mao si Roybel Bagutlo, 55 anyos, mag-uuma nga nagpuyo ra usab sa maong dapit.

Basi sa imbistigasyon sa kapulisan nga nagtagay sa ilimnong makahubog ang suspek kauban ang pipila ka higala niini dihang sa pagkahubog kalit na lang dunay nabating boto sa armas ug nagkadugo na ug samaran sa bukton ang biktima.


Dali usab nga girespondihan sa kapulisan ang insedente ug nasikop ang suspect, kinsa nakuhaan sa iyang posisyon sa usa ka kalibre .45 nga armas nga gigamit sa maong krimen.

By: RadyoMaN Ella Baculio

Facebook Comments