Riders patay sa Malita road crash

125

Davao City – Dead on arrival ang duha ka driver human matud pa nagbangga ang ilang gimaneho nga motorsiklo nahitabo alas 9:30 sa gabie didto sa Brgy Bolila Highway Malita Davao Occidental.

Subay sa report gikan sa Malita Police Station ang duha ka driver nga nakabsan sa kinabuhi mao sila Angelo Gilberto, 21 anyos nagpuyo sa Upper Brgy. Felis ug Reymart Saravaga, 18 anyos nga taga Sitio Timog sakop sa nahisgutang barangay.

Sa imbestigasyon nga gilusad sa kapolisan samtang naglawig ang gimanehong motorsiklo ni Gilberto angkas ang usa ka Jeffer Villar ug tungod sa kakusog sa pagpadagan niini iyang gikasugat ang gimanehong motorsiklo ni Saravaga.

Sa kusog sa impact nangalagpot ang mga biktima sa semento nga bahin ug nakaangkon og injury ug bali sa lawas.

Daling gitabang sa mga personahe sa Municipal Disaster Risk Reduction Management Council ang mga nasamdan apan nakabsan na kini sa kinabuhi samtang ang back rider nga si Villar padayon nagpaalim sa Southern Philippine Medical Center.

Nasuta sa kapolisan nga ang duha ka mga driver apil ang angkas niini langu sa bino.

RadyoMaN Don Pulayao

Facebook Comments