RITM kag DOH, nagpatigayon sang inspection sa Relocatable Containerized RT- PCR Laboratory sang Roxas City!

15

Roxas City, Capiz – Nagpatigayon kahapon nga adlaw sang on-site inspection sa Relocatable Containerized RT- PCR Laboratory ang Assessment Team sang Department of Health (DOH) kag Research Institute for Tropical Medicine (RITM).
Ini isa ka compliance requirement agud mahatagan sang License to Operate para sa kaugalingon nga CoVid-19 Testing Laboratory.
Ang nasambitan nga grupo ang ginpangunahan Dr. Jose Eugenio Hautea kaupod sanday Arch. Rene Leonado kag Ms. Michelle Casagan sang DOH subongman Ms. Joan Bato kag Engr. Archie Reyes sang RITM.
Nangin positibo naman ang ila feedback sa Engineering, Physical, Biosafety kag Laboratory Readiness sang nasambitan nga laboratoryo.
Gindayaw man sang assessment team ang tikang sang city government sa pag-establisar sang kaugalingon nga RT-PCR Laboratory sang syudad. Sunu kay Dr. Hautea, iya na guinapanan-aw nga makasugod sang testing sa labing madali nga panahon matapos nga matuman ang mga rekomendasyon halin sa DOH kag RITM.
via- Upod Kita Ronnie Dadivas FB page
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments