General Santos City— Gipasigarbo sa Police Regional Office 12 ang laing pasidungog nga nakuha atol sa 117th Police Service Anniversary nga gipahigayon sa kampo Crame.
Sumala kang Police Chief Superintendent Marcelo Morales, Regional Director sa PRO 12 nga personal niyang gidawat ang maong pasidungog kung asa giila ang Regional Mobile Force Battalion isip Best Force Battalion sa tibuok nasud.
Mismong si Presidente Rodrigo Duterte maoy anguna sa maong aktibidad kung asa kini na matud pa ang ika-duhang tuig nga naangkon sa RMFB 12 ang maong pasidungog kung sa milabay’ng tuig, ang rehiyon usab ang naka-kuha sa samang award.
Dugang pa ni Police Chief Superintendent Morales nga lakip sa mga gibasihan mao ang mga accomplishement sa RFMB 12 dili lang sa anti criminality campaign kundili lakip na ang kampanya batok terorismo, illegal nga droga ug ang partisipasyon niini sa pagpabilin sa kahapsay ug kalinaw sa tibuok rehiyon.
Pag-angkon ni RD Morales nga dili gyud sayon nga maangkon sulod sa duha ka magkasunod nga tuig ang maong award gumikan kinahanglan gyud nga magtrabaho sa kapulisan.
Apan iyahang gikalipay nga nahimong consistent ang kapulisan sa rehiyon ug wala matud pa sila nagapasagad sa ilahang trabaho rason nga dili na katingdan-an nga maangkon ang maong pasidungog.
