RMN Davao mapasalamaton sa Promo participants

26

Davao City – Mapasalamaton gihapon ang DXDC RMN Davao ngadto sa mga mipartisipar ug mihulog sa ilang mga entries sa RMN BIG CHRISTMAS RAFFLE PROMO 2017 bisan pa man walay nakuha sa Davao Region nga nadaog sa maong papromo.

Kagahapong adlawa, gipagula ang listahan sa mga ma- swerteng midaug sa Christmas raffle promo diin gi-anunsyo ang nakakuha sa tig 20,000 pesos diin duha gikan sa Pangasinan ug Laguna sa Luzon samtang duha usab sa Visayas, Iloilo ug Roxas City ug taga Gensan ug Cotabato sa Mindanao ang nabunutan usab alang sa maong kantidad.

Sa 50,000 pesos, duha gikan sa Visayas ang nabunot partikularminte sa Cebu ug Kalibo samtang duha usab sa Mindanao gikan sa Koronadal ug Zamboanga ang makadawat og tig 50,000 pesos.

Dungan usab nga gi-anunsyo ang usa ka mananaog sa 500,000 pesos nga taga Bacolod City.

Nanghinaut ang RMN Davao nga padayon gihapon inyong pagsuporta sa sunod pa nga mga raffle promos.

Ang maong RMN BIG CHRISTMAS RAFFLE PROMO 2017 hatud sa Milo, Tang, Malkist, Surf ug Tanduay.

RadyoMaN Renz Barbarona

Facebook Comments