RMN DXBC gipasidunggan sa DOH

67

Gipasidunggan kagahapon sa Department of Health Caraga ang RMN DXBC Butuan atol sa gipahigayong Grand Awarding and Recognition for Partners and Stakeholders on Health didto sa Dotties’ Place ning syudad sa Butuan.
Ang Award nga nadawat sa RMN Butuan, agig pag-ila ug pagpasalamat sa ahensya sa dedikasyon ug suporta sa programang panglawas sa DOH pinaagi sa paghatag ug update og insaktong impormasyon ngadto na sa publiko.
Ang RMN DXBC Butuan usa sa kapin 300 ka mga awardees sa Caraga nga nakadawat ug pasidungog gikan sa DOH Caraga.
Lakip sa gitagaan ug pasidungug sa DOH Caraga ang lalawigan sa Surigao del Sur isip Best Performing Province ning rehiyon subay sa 2018 LGU Health Scorecard Assessment.
Sa city category, nag-una ang Bayugan city sa Agusan del Sur, ikaduha ang Bislig city sa Surigao del Sur ug ikatulo ang Cabadbaran city sa Agusan del Norte isip mga Best Performing Cities.
Samtang sa lungsod nag-una ang Cantilan sa Surigao del Sur, Sta. Josefa ug Prosperidad sa Agusan del Sur.
Ang plaque of appreciation ang gitunol nila ni ARD Dr. Rodolfo Antonio Albornoz ug ni OIC Chief Administrative Officer Dra. Gerna Manatad
[image: rmn doh 2.jpg]

Facebook Comments