RMN Lenten Presentation: AWTORIDAD

14

Davao City – Dutdutanay, taas nga linya sa mga pasahero ug paunhanay nga makasakay diha sa mga terminals aron makauli gilayon ngadto sa ilang tagsa-tagsa ka mga pamilya karong Semana Santa….common scenario kini ning panahon sa bakasyon ingon man sa long break nga hatud sa tinuig nga komemorasyon sa Semana Santa…

Ug mientras ang katawhan dagsa na sa simbahan ug uban sa panon sa prusisyon ug tungod usab sa taas nga pahulay ug walay trabaho, ang ubang mga pamilya atua na sa mga bakasyon en grande.


Taliwala niini, ang atong kapulisan inay nga magpahulay, nagpabilin na hinoon diha sa ilang mga trabaho ug gani, mas taas ang alerto.

Sulod sa treynta anyos o tulo ka dekada na sa serbisyo, mao kini ang sagad ma-ekperyensyahan ni Police Col. Alexander Tagum, hepe sa Davao City Police Office.

Sulod sa maong gitas-on sa katuigan sa pagpanerbisyo, matag Semana Santa nakatutok kini sa pagseguro nga maprotektahan ang publiko ug walay mahitabong kasamok samtang nagkomemorar ang tanan sa Holy Week kun Semana Santa.

“Challenging ang magserbisyo ug magbantay gyod para sa kalinaw para sa atong katawhan. Since nahimo kong active sa police service under the Philippine National Police, ang akoang Holy Week is always para sa serbisyo and protection sa katawhan tungod kay every time there is Holy Week, kung ang mga sibilyan will be on holiday, ang mga servicemen pareho nako will be out to secure them to provide security and protection. Everyone are expected to be on duty because we will be on full alert,” segun ni Tagum

Sukad nga nahimong City Director si Tagum sa Davao City Police, gidala niya ang iyahang pamilya dinhi sa lungsod ug dinhi na siya nagpuyo sulod sa barracks.

Natawo man kini sa Lucena City, Quezon Province masulti ni Tagum nga mas duol sa iyahang dughan ang Mindanao tungod sa dugay nga panahon nga dinhi siya nadestino.

“For the rest of my service, majority of which I rendered dito sa Mindanao, medyo taas-taas gyod ang threat dito sa Mindanao compared to other areas nga giserbisyuhan nako like sa Luzon and so maingon nako very challenging gyod ang mag-serve dinhi sa Mindanao,” segun sa hefe sa kapulisan sa Davao.

Bisan sa kaipit sa panahon, gipadayon ni Tagum ang tradisyon sa iyahang apuhan matag Lenten season nga mao ang pagpahigayon sa Visita Iglesia.

“As much as possible, ma-maximize namo ug mabisitahan ang mga simbahan tungod kay mao na ang tinudlo sa akong lola nga during Holy Week, we should render Visita Iglesia o mubisita ka sa halos tanang simbahan in your areas of responsibility,” matud ni Tagum.

Gipadayag usab ni Tagum nga angay nga hatagan nato’g panahon ang Ginoo kinsa maoy tinud-anay nga nisakripisyo sa iyahang kaugalingon Anak alang sa kaluwasan sa tanan.

“It’s about time na we concentrate on the sacrifices sa atoang Ginoo ug maghinulsol pod ta sa atong mga sala nga nahimo ug mangayo kita’g pasaylo ngadto sa atong Ginoo nga tinuod nga namatay para sa sala sa katawhan,” sumala niini.

Gipasalig usab ni Tagum nga ang DCPO uban ang mga law enforcement agencies ug security forces nagkahiusa aron hugot nga makabantay ug andam nga mu-asister ingon man mutunol og suporta nga labaw’ng gikinahanglan sa katawhan.

RadyoMaN Aimee Guinita

Facebook Comments

From Advertisers