Davao City – Mag-apod apod og Alcohol Stand Dispensers ang RMN Foundation pinaagi sa DXDC 621 RMN Davao ug 93.9 iFM Davao alang ngadto sa mga health centers dinhi sa syudad sa Davao.
Subay kini sa ilusad nga RMN Oplan Tabang: COVID-19 response diin ugmang adlawa, August 28, 2020, naka-schedule nga hatagan sa maong dispensers ang Brgy. Sto Niño, Tugbok, Brgy. Riverside, Calinan.
Dugang niini, makadawat usab ang Brgy. Matina Crossing ug Brgy. Crossing Bayabas karong August 31 samtang sa September 2 mao ang Brgy. Cabantian ug Brgy. Lasang.
Lakip makadawat niini mao ang Brgy. R. Castillo, Agdao ug Brgy. Mandug sa September 4, 2020.
Gawas sa Alcohol Stand Dispensers, duna usab hand-washing kits ang ipanghatag ngadto sa 200 ka mga indibidwal diin kini aron mapakusgan pa ang community awareness sa pakigbatok sa COVID-19.
Ang maong effort gipangunahan sa RMN Foundation subay sa selebrasyon niini sa 8th Founding Anniversary ug 68th Founding Anniversary (August 28, 2020) sa RMN Networks pinaagi sa AM ug FM stations nationwide.
Partner sa nasangpit nga aktibidad ang ACS Manufacturing Corporation (Shield Bath Soap and Unique Toothpaste) ug Pfizer Philippines Foundation.
RadyoMaN Renz Barbarona
