RMN Tabang Medical ug Feeding Program nga gipahigayon sa Barangay Fatima-nagmalampuson

General Santos City–Nahimong nagmalampuson ang gipahigayong paghatag ug serbisyo publiko sa RMN Gensan, ang RMN Tabang Medical sa barangay niadtong adlaw nga Sabado kung asa usa ang Barangay Fatima ang unang nakadawat ug libreng medical, libreng tambal ingon man libreng pakaon karong tuiga diin gatusan ka mga katawhan sa nasampit nga Barangay ang nakabinipisyo sa maong programa.

Sumala pa ni Brgy.Kagawad Orlando Alboroto nga dako ang ilahang pagpasalamat sa pagpanguna sa ilang kapitan nga si Rey Curit sa Rmn Gensan sa gihatag nga libreng medical mission sa ilahang brgy.kung asa daku ang ilang kalipay nga gatusan ka mga katawhan ang nakabenepisyo ilabi na kadtong wala gayud ikabayad sa check-up ug pangpalit ug tambal

Saysay man usab ni Kagawad Alboroto nga isip mga brgy.opisyal sa Fatima nakahatag matud pa nila ug dakung dungog ang gihatag nga libreng medical mission sa Rmn Gensan gumikan kay daghan ang nakabenipisyo nga katawhan sa ilang barangay.


Samtang daku usab ang pagpasalamat ni Junior Penafiel sa Rmn Gensan usa sa mga residente sa brgy.fatima ang nakabenipisyo sa gihatag nga libreng medical mission nga sumala pa niini nga usa ka maayong butang ang gihimo sa Rmn Gensan nga pagtabang sa mga tawo ilabi kadtong walang-wala gayud nga pangbayad sa check-up ug pangpalit ug tamabal alang ilahang balatian sa lawas

Saysay man usab ni Penafiel nga unta magpadayon ang paghatag ug serbisyo publiko sa Rmn Gensan dili lamang sa paghatag ug mga tinuod nga balita ug impormasyin kundili ang paghatag usab ug libreng medical mission sa matag brgy. ug uban pang mga maayong programa sa Rmn alang sa katawhan sa syudad. (Reynald Timario)

Facebook Comments