Road clearing ops on-going

Davao City – Nagpadayon pa hangtod karong panahona ang clearing operation sa mga kadalanan sa Barangay 76-A Bucana, ning syudad.

Sumala ni Barangay Captain Rolando Trajera sa maong lugar, wala pa gayud matapos sa hingpit ang paghinlo sa daplin sa kadalanan ilabi na kadtong gigamit alang sa private or personal purposes sama sa pagbutang og tindahan sa mga residente diha sa barangay.

Matud ni Trajera, magpadayon kini hangtod nga mahinloan na sa hingpit ang naasoyng lugar aron hapsay na unya ang pag-agi sa mga tawo.


Samtang sa mga sakyanan nga nagparking usab diha daplin sa dalan, gihatagan na sa barangay og ‘last warning’ ang mga tag-iya diin sagad misaad nga mangita sila ug kaparkingan sa ilang sakyanan.

Giklaro usab ni Trajera nga responsibilidad sa barangay ang pagbadlong apan ang pagtuman sa mga reglamento sa estado anaa sa tawo kun motuman ba kini or dili.

RadyoMan Bernard Pantallon

Facebook Comments