PONTEVEDRA – Nadakpan sang mga operatiba sang Pontevedra Police Office sa pagpamuno ni PSInsp. Ryan Salazar si Emmanuel Mogar, 50 anyos ang edad may asawa kag nagapuyo sa Brgy. Recreo banwa sang Pontevedra.
Si Mogar nadakpan sa crossing Balangigay,Barangay Recreo,Pontevedra mga alas onse ang takna subong lang gid nga aga Enero 30, 2018.
Ini sya ginakabig nga ikaapat sa most wanted person sang banwa bangud sa iya kaso nga “Robbery with Violence Against or Intimidation of Person” (Under Art. 294, Par. 4, Revised Penal Code) kag may Criminal Case No.3382.
Ang warrant of arrest gin-issue ni Presiding Judge Francisco N. Rodriguez sang RTC Branch 63, La Carlota City, Negros Occidental nga napetsahan, Disyembre 10, 2009 kag may yara sang pyansa nga P180,000.00.
Sa karun si Mogar ang yara nakahunong sa custodial facility sang Pontevedra PNP. / Grace Supe photo
