Robo gane ba el motibo?

9

Ta esta pa siempre bajo na imbestigacion el mas reciente matansa con un estudiante del Universidad de Zamboanga na Mampang.
El maga pulis ta considera robo como uno del possible motibo del incidente despues el maga criminal ya ruba el cell phone del victim.
Con el victima ya conose como si Albashier Aminola Basiri, de Purok 7, Kapuk, Mampang quien ya muri despues sostene un tupada de bala na su cabesa.
Si Basiri ta maneja consu motorsiclo junto con Albashier Indanan pasada alas 9 del noche cuando ya llega estos serca na residencia del maga Algoso ya ara sila para man text si Basiri.
Perro amediante tan text este, tiene ya lang ya llega otro motorsiclo dos persona el muntao y el ancas ya rebate el cell phone di Basiri.
Perro ya imbisti si Basiri rason para tita conele el otro suspechao.
Ya escapa el maga criminal na direccion para na pueblo mientras si Indanan ya maneja el motor di Basiri y ya anda este na barangay hall del Mampang para pidi ayuda.
Maga pulis ya encontra un capsula de caliber 45 na lugar del crimen.

Facebook Comments