Ya hace entrada el maga ladron con el casa del un pulis na Doña Felisa Subdivision na Mercedes, donde ya man jimus estos maga alajas y dinero del Webes.
El incidente de robo ya sosede na residencia di SPO4 Erlie del Cruz y Javallana.
El robo ya descobri banda alas 9:45 del noche y dayun ya reporta na estacion del pulis para el propio imbestigacion.
Durante elimbestigacion del pulis ya descubri que el maga ladron ya ruba diferente clase de alajas balor de P150,000 y dinero P80,000.
El pulis ya habla el maga ladron ya entra na casa pasando na ponoy mangga donde ya man taclas para na Segundo piso y ya entra na master bed room y alya ya saca maga alajas y cen.
Maga pulis ya saca finger prints na lugar del robo aber para puede sabe si quien el maga hechor.
