ROF GIKAN MIDDLE EAST, IKA-UPAT NGA KASO SA COVID-19 SA GENSAN

13

General Santos City–Nakatala na ug ika-upat nga kaso sa covid-19 ang dakbayan sa Gensan human migawas ang positbong resulta sa gihimong RT-PCR test milabayng adlaw nga Martes.

Sumala kang Gensan City Mayor Ronnel Rivera nga ang ika-upat nga kaso sa covid mao ang 39 anyos nga lalaki nga OFW, gikan sa Middle East kansa mi-abot sa Gensan niadtong Hunyo 21 sakay sweeper flight nga 4525-1 alas 2:00 ang takna sa kadlawon.


Pag-angkon ni Mayor Rivera nga naunang nag-negatibo sa rapid test ang nahisgutan rason nga natugutan kining maka-uli ug mipa-ilalom sa home quarantine apan sulod sa pipila ka adlaw nigawas ang mga sintomas niini rason nga gidala sa Dr. Jorge P. Royeca Hospital.

Dugang pamahayag ni Mayor Rivera nga posibleng dungan nga mi-abot sa Gensan Airport ang nasangpit nga 39 anyos nga taga-Gensan ug ang 52 anyos nga ROF usab naga taga-Maasim nga nagpositbo gihapon sa covid-19.

Sa karon, nakig-alayon na sila sa ubang lokal nga panggamhanan nga adunay mga LSI ug ROF nga nakasakay sa maong byahe.

Padayon man usab ang ginahimo nga contact tracing sa LGU Gensan kung asa gina-obserbahan na ang pamilya niini ug ang uban pang nakahihimat sa iyahang pamilya.(LVR)

Facebook Comments