Davao City – Dakong tabang ang Community Pantry-inspired bayanihan scheme nga gimontar sa Roxas Avenue ning syudad sa Davao diin kini nga aktibidad nahiusahan sa pribadong grupo o mga indibidwal aron ayudahan in kind ang naggilaid natong katawhan taliwala sa pandemic
Sumala ni Maam Mary Ann Medina, organizer sa Roxas Community Pantry, nga kining programa gikan sa Manila nga gitawag og Maginhawa Community Pantry diin gimugna nga walay kalabutan ang lokal nga panggamhanan sa Davao.
Gidugang ni Medina nga pinaagi niining programa mohatag ug libre nga pagkaon sama sa gulay, kamote, bugas, cat food ug uban pa ug nagadawat usab sila og donasyon ingon man cash assistance sa mga gusto mag donate.
Ang Roxas Community Pantry mag-abri sugod alas-10:00 sa buntag hangtod alas-9:00 sa gabii.
RadyoMaN Don Pulayao
