RT-PCR results sang provincial lab indi hapos mapeke suno sa provincial administrator

24

Ginapasiguro ni Provincial Administrator Rayfrando Diaz nga indi mapeke ang mga resulta sang RT-PCR test nga ginapatigayon sa molecular laboratory sa Teresita Lopez Provincial Hospital sa ciudad sang Silay.

Ini ang kasunod sang insidente sa probinsiya sang Iloilo sa diin isa ka personnel sang Iloilo State College of Fisheries (ISCOF) Dingle ang naggamit sang peke nga resulta sang RT-PCR test agud makabalik ini sa trabaho. Sang gin-verify ang test result sa Western Visayas Medical Center (WVMC) nagaguwa nga indi valid ang dokumento bangud indi nila empleyado ang mga signatories sa kopya kag wala man ini sang security features kaangay sang bar code, patient identification number kag logo sang sub-national laboratory.


Sa interview sang DYHB kay Diaz, ginpahayag sini nga madamo sila sang safeguards agud indi mapeke ang kopya sang test results kag certification. Ang tagsa ka test results ang may yara sang walo ka signatories nga ginalakipan sang iya sang mga medtechs, chief medtech sang laboratory kag gina-validate sang pathologist sang probinsiya. Ang mga municipal kag city health officers man lang ang ginapahaunugtan nga mag-print sang mga results kag pirmado ini nila.

Humalin sang nag-operate ang molecular laboratory sa provincial hospital, kapin sa 67,000 swab samples na ang na-test diri.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments