Giaghat ni Supreme Court Administrator Jose Midas Marquez si Executive Judge Dennis Alcantar sa Regional Trial Court Branch 18 nga makig-coordinate sa korte suprema kung gikinahanglan nila ang dugang security measures sa Hall of Justice sa Upper Carmen ning syudad sa Cagayan de Oro.
Matud ni Marquez nga andam ang korte Suprema nga mohatag sa body guard sa mga huwes, labi na kadtong mga Hukom nga dunay hulga sa ilang kinabuhi.
Si Marquez, usa sa mga opisyal sa Supreme Court nga mibisita kagahapon sa Hall of Justice sabay sa re-launching sa Justice on wheels dinhi sa Cagayan de Oro ug Misamis Oriental.
Gipasabot ni Marquez nga ang Supreme Court, andam sa tanang panahon nga mangayog police escorts ni PNP Chief Oscar Albayalde alang sa seguridad sa Hall of Justice ning syudad sa Cagayan de Oro ug body guard sa mga huwes nga 10th Judicial Region sa Northern Mindanao.
