‘Run Sara Run’ campaign ipadayon sa HNP Davao de Oro

26

Davao City – Dili moundang ang Hugpong ng Pagbabago (HNP) Davao de Oro (DDO) Chapter sa pagkumbinse kang Davao City Mayor Sara Duterte-Carpio nga ikonsidera ang pagdagan pagka-presidente sa May 2022 Elections.

Atol sa HNP DDO Chapter Press Conference kagahapong adlawa (October 14, 2021), gisulti ni DDO Senior Board Member Arturo T. Uy nga malaumon gihapon kini nga mausab pa ang huna-huna ni Mayor Sara sa pagdagan isip pangulo luyo sa giingon niining subli kining magpapili sa isip mayor sa syudad sa Davao sa ikatulong termino.


Gikanayon ni Uy, adunay lig-on nga leadership si Duterte-Carpio ug siya ang makapadayon sa mga nasugdang proyekto sa amahan niining si Presidente Rodrigo Duterte.

“Kung pwede pa lang, we are begging you (Mayor Sara) to heed the call of the majority of the people especially the Davao Region and the Mindanao people for you to run and definitely manalo ka talaga. Andyan kami (para) sayo and we will campaign hard when that time comes na i-reconsider nimo ang desisyon nga mudagan gyud ka pagka-presidente,” sulti ni Uy.

Nasayrang aduna pay hangtud November15, 2021 ang mga political parties nga magbaton og withdrawal o substitution sa ilang mga kandidato subay sa guidelines sa Commission on Elections (COMELEC).

RadyoMaN Kirby Manzon



Facebook Comments