‘Run, Sara, Run’ tarpaulins ipatanggal

47

Davao City – Gibutyag ni Davao City Mayor Sara Duterte-Carpio nga wala miagi sa proseso ang pagtaud og ‘Run, Sara, Run’ tarpaulins/billboards dinhi sa Davao o ang movement sa pagdasig sa Mayor nga mudagan pagka presidente sa eleksyon sunod tuig.

Giklaro sa Alkalde, sa interbyu sa city-owned radio, adunay regulasyon sa pagbutang og mga tarpaulin diin aduna kini bayad sa gobyerno, rason nga ang maong mga poster wala miagi sa legal nga proseso ug angay kining baklason ug iuli sa tag-iya.


Subling gitataw sa presidential daughter nga wala nagbag-o ang iyang gisulting wala siyay planong mudagan isip presidente sa nasud tungod na usab sa daghang rason.

“Is there’s a chance nga magbag-o akong huna-huna? (nga mudagan pagka presidente) Sa pagkakaron, no. There’s no chance nga magbag-o akong huna-huna. Unsa ang mga rason? I do not want to enumerate the reasons because mutaas na ang istorya basin maka-offend or naay ma-hurt nga mga tao,” segun niini.

Samtang, gitataw ni Commission on Elections (COMELEC) Commissioner Rowena Guanzon nga dili violation ang advertisements o posters sa mga potential candidates tungod kay wala pa nagsugod ang election period.

Nasayran nga dili lamang dinhi sa Davao, kundili lakip na sa Metro Manila adunay mga grupong nanaud og ‘Run, Sara, Run’ tarpaulins, butang nga mapasalamaton gihapon si Duterte-Carpio sa trust ug confidence kaniya.




RadyoMaN Kirby Manzon

Facebook Comments