Dumalag, Capiz – Isa ka persona ang patay samtang isa man ang kritikal matapos ang mga ini ang ginpanglabo alas 9:25 sang gab-i sa Barangay San Rafael, Dumalag, Capiz.
Nakilala ang mga biktima nga amu sanday NiƱo Factolerin y Focbit, 30-anyos ang pang-edaron nga patay gid on-the-spot sa uyapad matapos ginlabo sang suspek nga nakilala kay Hernan Fantinalgo Sr. y Frontada gamit ang talibong.
Samtang padayon nga ginabulong sa isa ka pribado nga ospital ang isa pa ka biktima nga nakilala kay Ramil Biaco y Indico, 40-anyos ang pang-edaron matapos nag-angkon sang madamo nga kapilasan sa lawas.
Suno sa inisyal nga imbestigasyon sang kapulisan sang Dumalag, nagluntad ang indi paghangpanay sa tunga sang suspek kag mga biktima nga nagapanyapon sa poluy-an ni NiƱo Factolerin.
Matapos ang pila ka oras makaligad nga natabu ang insidente, boluntaryo nga nagsurrender sa mga kapulisan ang suspetsado.
Natalana ini nga pasakaan sang kaso nga homicide kag frustrated homicide.
