SA PANAHON: Pasko dili mamahimong mabugnaw-PAGASA

Sa padayong matud pa nga makasinati sa taas nga oras kada gabii tungod sa ginatawag nga ‘autumnal equinox’ nga nagsugod kaniadtong miaging bulan sa Setyembre, gilauman usab ang dugay nga pag-abot sa ting bugnaw nga panahon sa tibook nasud ilabi na sa kapaskuhan.

Kini ang gibutyag sa Philippine Atmospheric Geophysical Astronomical Services Administration ( PAGASA) base sa ilahang climate outlook sa pagsugod sa kasamtangang bulan sa Oktubre hangtod sa muabot nga Marso 2018.

Matud pa sa PAGASA nga motaas ang temperatura sa nasud kumpara sa sagad nga masinatian sa dakong bahin sa archipelago sa tibook tuig 2017.


Ang bugnaw nga panahon matud pa ang masinatian lamang sa kabukiran nga bahin sa Luzon sa pagsugod sa pagsulod sa 2018.

Dugang pa sa PAGASA, nga ang bugnaw nga temperatura ang kasamtangang mabatyagan sa pipila ka mga lugar ang tungod sa mga nasinatiang pipila ka mga weather system sama sa ITCZ, thunderstorm,low pressure area ( LPA) , ridge of high pressure areas, easterlies, tail-end of a cold front og uban pa.

Facebook Comments