ILOILO – Sa tinaga naguba kag sa tinaga man nabawi.
Ini ang natabo sa duha ka alkalde sang Iloilo matapos natinluan na ang ila ngalan nga una nalakip sa narcolist ni presidente Rodrigo Duterte.
Gin-athag ni Presidential spokesperson Harry Roque nga gin-clear sang “police agencies” ang ngalan nanday Maasin Mayor Mariano Malones kag Calinog Mayor Alex Centena.
Madumduman nga ang duha, nagsumpa naman sang Enero 18 bilang miyembro sang Partido Demokratiko Pilipino – Lakas ng Bayan (PDP-Laban) nga partido man ni presidnete Rodrigo Duterte.
Suno kay Roque, na-clear ang ngalan sang duha antes pa man sila nag sumpa sa PDP Laban.
Una na ginpahayag sang duha ka alkalde nga indi sila guilty sa akusasyon sang presidente sadto nga protektor sila sang illegal nga droga. /// ctto
