Sabat ni Treñas sa pagkwestyon ni Nava sa paggamit sang iya opisina apesar sang suspension: Public place ang opisina, bukas ini sa tanan

69

Isa ka public place ang opisina kag bukas ini sa tanan nga mga bisita. Ini ang paathag ni suspended Congressman Jerry Trenas matapos ginkwestyon ni city councilor Plaridel Nava ang paggamit ni Trenas sang iya opisina apisar suspendido ini sang 90 ka adlaw bilang kongresista sa syudad sang Iloilo. Suno kay Trenas, wala na siya nagapartisipar sa deliberasyon sa kongreso matapos nabaton ang suspension order kag wala man siya nagapirma sang mga dokumento. Apang suno kay Treñas, wala ini nagapugong nga magkonsulta kag makig-istorya siya sa mga tawo nga nagapadulong sa iya opisina. Nahibaluan nga tuman ka lawig ang pila sang mga tawo kahapon sa opisina ni Treñas kon sa diin, yara ang mga volunteers nga blue angels kag na-imbitar man sang nagligad nga mga inadlaw ang mga opisyal sang mga barangay sa syudad sa ginapahayag consultative meeting sa talatapan ni suspended congressman Jerry Trenas. Photo from web Tags: Visayas, DYRI774, RMN Iloilo, Iloilo City

Facebook Comments