SAF personnel nanion og armas, napasaylo

28

Davao City – Gipasaylo na sa usa ka balot vendor nga si Elias Padillio Gilbero ang usa ka miyembro sa SAF-PNP nga si PO2 John Fedcheck Nudnachen human nga nangayo kini og kapasayloan ingon man nabayaran na ang walo ka balot nga iyang nakaon.

Atol sa pakighinabi sa DXDC News Team kang Gilbero, nasayran nga igo lang nga miulang sa PO2 Nudnachen sa usa ka away pmilya apan wala kinin nakapugong gani iyang nadapatan ang usa ka 53-anyos nga ginang nga si Melodina Aguanta Trocio kinsa naka angkon og slight injury sa nawong ug paa nga bahin.

Saysay sa balut vendor, human nadapatan ang babaye nasayran nga daghan matud pa kini og kaila sa maong lugar hinungdan nga gitapokan ang SAF member.

Sa kahadlok niini nga makmakon sa katawhan, niadtong tungora na kini mikuha sa iyang armas hinungdan sa iyang pagka aresto.

Hinuon gi-refer na una sa barangay level ang maong kaso sanglit nahatagan og ubos sa 5-days healing period ang maong babaye.

Apan mag depende sa biktima kung iduso ang kaso ug posibleng mag-atubang na hinoon si PO2 Nudnachen og kasong administratibo gikan sa iyang mga labaw.

RadyoMaN Paul Canono

Facebook Comments