Davao City – Gikustodiya na sa Tugbok PNP ang usa ka miyembro sa Special Action Force kun SAF-PNP nga si PO2 Frederick Fedcheck Nadnachen, lumad nga taga Tocucan Bontoc, Mountain Province, kinsa naka destino sa may San Francico, Brgy. Mintal, Tugbok ning siyudad.
Base sa report, bandang alas-7:35 kagabii diha sa may Prk. 9, Brgy. Sto. Niño, Tugbok samtang kining suspek nakahurot og walo ka buok nga balot diin sa gipaninglan kini sa balot vendor nga si Elias Gilberio, mibalibad kining mubayad ug gipangkulata kini sa suspek apil na ang usa ka 53-anyos nga babaye nga si Melodina Trocio.
Sa mireklamo kining complainant ngadto sa mga barangay tanod sa Brgy. Sto. Niño, mihulbot matud pa sa gi-isyu kaniya nga armas ang suspek ug gipang tiunan ang maong tanod nga nakahimo ug alarma sa mga tawo nga anaa sa lugar.
Si PSI Fajardo, commandng officer sa SAF, gi-angkon nga sakop niya matud pa ang police nga nagmaoy.
Sa karon, gipailawom og liquor test ang suspek ug gikustodiya na ang armas niini nga 9mm nga dunay sulod nga 15 ka mga bala.
RadyoMaN Paul Canono
