SafeDavao QR: Mga tawo nga na-expose sa COVID-19 makadawat na og text

44

Davao City – Gisugdan na sa City Government of Davao ang paggamit sa Davao QR (Quick Response) Code sa pagpakusog sa contact tracing sa Coronavirus Disease 2019 (COVID-19) cases.

Gibutyag ni Davao City Mayor Sara Duterte-Carpio nga gi-pilot na sa SafeDavao QR ang push notification pinaagi sa pagpadala og text messages sa mga tawo nga na-expose sa mga nagpositibo sa COVID-19, diin kini sinugdanan sa paghimong mandatory sa SafeDavao QR.


Gi anunsyo usab sa SafeDavao QR Facebook page nga kung makadawat man sa maong mensahe, likayan ang pagpanic, inay basahon ug sundon lamang ang instructions nga nakalatid sa text message.

“Naga pilot sila (SafeDavao QR) sa push notification sa text messaging. It is not same message sa close contact (sa COVID-19 positive). This is the message that we give sa tanan wherein the same area with the COVID-19 confirmed case,” segun sa Alkalde.

Gipahibalo usab sa Alkalde ang mga opisina ug establisyemento nga siguradohon nga ma-scan ang tao sa iyang QR Code pagsulod ug paggawas aron nga makita ang time period kanus-a nakauban sa indibidwal nga positibo sa COVID-19.

RadyoMaN Kirby Manzon




Facebook Comments