Patay nang nadala sa ospital sa Jasaan ang usa ka sais anyos human kini nalumos sa Spring view, Solana, Jasaan, Misamis Oriental alas 11:45 sa buntag, kagahapong adlawa.
Biktima nailang si Helson Alaod Alimbog, taga Dalirig, Manolo Fortich, Bukidnon.
Matud ni Police Chief Master Sergeant Paul Salcedo sa Jasaan, Municipal, Police Station nga nangaligo kining biktima uban iyang pamilya tungod kay birthday sa iyang apohan ug naligo kining biktima sa 4 feet nga swimming pool ug wala na nila nabantayan nga nalumos na diay kining biktima nga nagligo-ligo pa uban iyang mga ig-agaw ug naa ra sa tungod iyang kabanay.
Dugang pa ni Police Chief Master Sergeant Salcedo nga gi-sulayan pa kinig revived sa life guard apan pag-abot sa hospital namatay kini.
Samtang, ang tag-iya sa spring view ang mohatag og tabang pinansyal.
