Sakop sa gang nga Bloods dakpan gadala ug shabu

128

Naka-puntos ang gimuntar nga checkpoint sa kwerpo sa kapulisan diha sa brgy. Villakanangga ubos sa Butuan City Mobile Force Company ug Police Station 1 sa dihang nadakpan ang usa ka membro sa Bloods ug nakompiska ang sachet sa drogang shabu nga anaa sa iyang posisyon.
Giila ang suspek nga si Bambi Lagulao, 19 anyos, ulitawo ug residenti sa P-2 Brgy. Buhangin ning syudad sa Butuan kinsa nakuhaan ug duha ka sachet sa drogang shabu.
Giharang si Lagulao human milabay kini sa checkpoint nga wala magsuot ug helmet, walay gikapakita nga drivers’ license, walay OR/CR ang motorsiklo ug walay plaka numero.
Gibutyag ni P/Capt. Emmerson Alipit, spokesman sa Butuan City Police Office (BCPO) nga adunay standing warrant of arrest si Lagulao sa kasong car napping ug theft.
Possible usab nga nalambigit si Lagulao sa mga kagubot sa Butuan isip membro kini sa Gang nga Bloods maong padayon ang gihimung imbistigasyon sa kwerpo sa kapulisan.
Kasong paglapas sa Republic Act 9165 kon Comprehensive Dangerous Drug Act of 2002 ang ipasaka batok sa suspek kinsa gikustodiya karon sa Police Station 1.
[image: shabu motor.jpg]


Facebook Comments