Sakop sa NPA sikop sa mga awtoridad

91

Davao City – Gipasalamatan ni Lt.Col.Esteveyn Ducusin Batallion Commander sa 71st Infantry (Kaibigan) Battalion ang kapolisan nga mitabang sa pag aresto sa usa ka miembro sa NPA nga nag atubang og kasong rebellion dinhi sa Brgy. Cabuyoan Mabini Compostela Valley kagahapong adlawa.

Ang dinakpan giila sa kapolisan nga si Olegario Pana Jr., hamtong ang pangidaron ug residente sa nahisgutang lugar.

Giangkon sa akusado nga nalambigit sya sa pagpatay ngadto kang Cabuyoan Brgy.Kagawad Anatolio Busloy niadtong tuig 2017,pagpabusikad ug landmine batok sa mga sakop sa 46th IB sa tuig 2013 ug sa mga personahe sa 71st IB niadtong tuig 2017.

Gibutyag sa akusado nga 14 ka tuig siya nga nagserbisyo sa kalihokan sa New People’s Army kasamtangang akusado ang gikustodiya na sa kapolisan sa lungsod sa Mabini.

RadyoMaN Jules Catisay

Facebook Comments