Sakop sa PEMO, gipusil Patay sa wala mailang suspetsado.

24

Tampilisan, ZDN-Patay ang usa ka trabahante sa Provincial Environment Management Office (PEMO) human kini gipusil didto sa may brgy. Farmington, lungsod sa Tampilisan,ZDN, nahitabo kini niadtong adlawng Sabado bandang 2:34PM.

Base sa gihimong imbistigasyon sa Tampilisan PNP pinaagi sa imbistigador nga si SPO2 Nilo D. Paipa, nasayran ang biktima nga si Ernesto Santiago, taga brgy. Pob. Tampilisan, gikan kini sa Taboan didto sa brgy. Situbo, Tampilisan, para mangita ug dugang kita isip rubber canvasser.

Human sa iyang trabaho mipauli kini sakay sa iyang motorsiklo uban ang duha ka angkas nga sila si Rosa Quinot ug Jolina Quilicot pulos kini taga brgy. Banuangan, Godod, ZDN kinsa mga estudyante sa Tampilisan NHS.

Matod pa sa duha ka angkas niini, mismo nakasaksi sa maong panghitabo samtang naglawig sila sa kadalawan adunay riding in tandem ang nagsunod kanila ug mitapad, sa walay pag duha-duha mipusil ang angkas sa mga suspetsado sa usa ka higayon ug maayong pagka igo sa ulo sa biktima nga maoy mitsa sa iyang wala damhang kamatayon.

Sa pagkakaron padayon pa gihapon ang gihimong makuti nga imbistigasyon sa PNP Tampilisan aron masayran kun unsay nagpaluyong motibo sa pagpusil patay sa usa ka sakop sa PEMO.|Mark Bacroya

Facebook Comments