General Santos City—Na-shot sa gihimong box culvert nga nahimutang sa may Barangay Sinawal, Gensan ang usa ka Ford Ranger nga si gimanihuan ni Joshua Carpe Feven nga taga Romana, Barangay Fatima Gensan alas 2:00 ang takna sa kabuntagon, kagahapong adlawa.
Gibutyag ni Roberto Monte, construction worker nga nadabase sa gihimong road construction nga iyaha sa DPWH sa Barangay Sinawal nga kumpleto ug early warning device ang box Culvert nga gihimo sa mga nahisgutan kansa nahagbongan sa maong sakyanan.
Nasayran nga iya pang nakit-an ang sakyanan apan natingala nalang sya nga kalit kining nawala ug pagsuta niya tua na sa ubos ang maong sakyanan.
Gibutyag usab ni Police Chief Inspector Ruelito Lumigid, Hepe sa Traffic Management Unit nga posibling nakatulog ang nahisgutan mao nga nahitabo ang disgrasya, apan base sa ilang pag-imbistiga sa lugar, baho ug ilimnong makahubog ang driver nga si Joshua.
Nasayran nga apil naangol ang pasahero nga si Carlo Lapiz nga taga Barangay San Isidro human sa insidenti.
