Sakyanan nadisgrasya lungsod sa Dumingag usa patay, unom saraman

56

Dumingag, Zamboanga del Sur – Patay nga gibyahe gikan sa lungsod sa Dumingag paingon sa dakbayan sa Pagadian ang 19-anyos nga babaye human ang aksidente nga nahitabo sa National Highway Purok 3, Barangay Senote, Dumingag, Zamboanga del Sur alas 6:30 kagahapon sa buntag.
Giila sa Dumingag PNP ang namatay nga si Joan Talledo, residente sa Brgy. Dao niining syudad nga Dead On Arrival sa Dumingag Rural Health Unit samtang samaran usab ang laing unom ka mga kauban niini nga sila si Wynncy Grace Lungay, 18 -anyos, Ryan Deric Gaviola, 19-anyos, Rianne Vianca Pamaran, 20-ayos nga dalaga; Jillian Ladlad, 20 -anyos, dalaga, Ruth Fuentes, 20-anyos ug Jay Monding 19-anyos pulos taga dakbayan sa Pagadian.
Sa inisyal nga imbestigasyon naabot sa lugar ang mga biktima alas 5:00 sa buntag sakay sa Ford Ranger, color Army Battle Green, nga gimaneho ni Wynncy Grace Lungay aron pagtan-aw sa maanindot nga talan-awon nga mao ang sea of Clouds.
Alas 6:10 sa buntag nakahukom sila nga mobalik sa syudad sa Pagadian apan pag-abot sa kurbada nga bahin sa lugar nawad-an sa control ang driver hangtud nga na-overshot sa kalsada ug naligid sa makatulo nga higayon ngadto sa batoon nga bahin.
Dili na mahitsura ang sakyanan samtang ang mga sakay daling gidala sa balay tambalanan pinaagi sa mga niresponde nga PNP ug MDRRMO personnel apan wala maka-antos sa samad ug bun-og si Talledo samtang ang mga kuabanan niini ang giatiman pa usab sa mga doctor.

Facebook Comments