Davao City – Patay ang usa ka lalaking driver human nahulog ang iyang gidrayban nga sakyanan sa pantalan sa Brgy. Kinawitnon, Babak District, Island Garden City of Samal alas 8:30 kagabii.
Sumala ni P/Supt. Giusseppe Geralde, Chief of Police sa Samal nga ang maong lalaki giilang si Fernando Pacaldo, residente sa Sitio Maag, Brgy. Peñaplata, Samal kinsa gidala pa sa balay tambalanan apan gideklara ng dead on arrival.
Subay sa report, pasakay sa ferry boat ang Innova nga sakyanan apan mikalit matud pa kini og sutoy sa kilid sa ferry ug nahulog gani dunay usa pa ka tao ang nasagiran nga giilang si Narciso l. Kho, 29 anyos ug taga Cagayan De Oro City apan anaa na kini sa luwas nga kahimtang.
Sa karon ginasuta pa usab ang tinuod nga hinungdan sa pagkahulog sa sakyanan ug kung aduna papud ba kini laing mga sakay.
RadyoMaN Renz Barbarona
