Pagadian City – Samaran ang driver sa duha ka sakyanan human aksidente nga nagbangga alas 2 sa hapon sa Brgy. Balintawak ning syudad sa Pagadian.
Guba ang atubangan nga bahin sa Siver Ford Ranger Pick-up dihang gisunggag sa kasugat nga Mitsubishi Fighter nga kargado sa kopras.
Sa imbestigasyon sa PNP Traffic Division samtang nagdagan ang Mitsubishi sa bahada nga bahin sa nahisgutan nga lugar gikan sa Brgy. Looc Barlac, Mabuhay, Zamboanga Sibugay nga gimaniho ni Jullisan Buhal nawad-an kini sa control dihang wala na mipaak ang preno sa sakyanan og mibanga sa kasugat nga pick nga gimaniho ni Betty Gabatan, 39 anyos, lumulupyo sa Purok Santan, Brgy. Buenavista ning syudad.
Gumikan sa kakusog sa impact natumba ang sakyanan nga dunay dala nga kopras og dili usab mahitsura ang pick-up. Nagpaalim sa ospital ang mga driver nga samara.
