Sakyanan sa mga estudyante sa Mary Child Academy sa Barangay Bulua nga gikan nag-recollection, mibangga sa laing sakyanan; 14 ka sakay, samaran

117
PC: Mo Lins II

Nadala sa JR Borja General hospital kagahapon sa hapon ang mga estudyante sa Mary Child Academy nga nahimutang sa Barangay Bulua ning syudad.

 

Kini human madisgrasya ang ilang gisakyang pampasaherong Jeep samtang pauli gikan sa ilang recollection sa Manrisa, Upper Carmen ning dakbayan.


 

Nasayran nga nakaangkon sa nagkalain-laing samad, bun-og ug bali sa ilang mga lawas ang mga biktima, gumikan sa impact sa maong panagbangga.

 

Gibutyag ni Police Staff Sergeant Rey Curpoz, ang traffic investigator sa Carmen police station nga nag-malfunctioned ang brake system sa maong PUJ hinungdang mibangga kini sa nag-unang sakyanan sa Macapagal Drive Carmen ning syudad.

 

Tungod niini, nadala sa hospital ang 12 ka mga estudyante, usa ka maestro ug ang driver sa Iponan nga jeep nga gi-abangan sa maong grupo.

 

Gumikan sa kakusog sa impact, grabeng pagkakumi sa nabanggaang awto samtang nabaliktad ang PUJ daplin sa dalan.

 

Sa karon, padayon pang gipaubos sa follow-up investigation ang maong aksidente, samtang ang ubang mga estudyante ang padayong pang gi-obserbahan sa mga doctor.

Facebook Comments

From Advertisers