Sakyanan sa usa ka contraktor gisunog sa mga NPA sa Malaybalay

Gisunog sa mga New Peoples Army kon NPA ang usa ka sakyanan nga iya sa usa ka kontraktor kaganehang alas 2:30 sa kadlawon diha sa P-3, Barangay Cabangahan, ning siyudad sa Malaybalay.

Sa interview sa RMN DXMB Malaybalay ngadto kang Cpt. Ryan Layug ang Civil Military Operations Officer ug spokesperson sa 403rd infantry brigade, Philippine Army gibutyag niini nga plano unta nga sunugon sa maong mga grupo ang mga ekipo nga iya sa Venray Construction Corporation apan pakyas kini sa ilang tuyo tungod kay daling nakasumbong ang mga trabahante ngadto sa kapulisan.

Matud ni Cpt. Layug nga ang bongo truck lamang ang nasunog sa mga NPA ug daling nisibat paingon sa direksyon sa dakbayan sa Valencia.


Giklaro sa kasundaluhan nga walay ekipo nga nasunog nga maoy target unta sa mga NPA.
Aduna matud pay 8 ka motor ang gigamit sa gibana-banang 15 kapin kon kulang ka mga suspek.

Sa karon gihimo na sa kapulisan ug kasundaluhan ang hot pursuit operation ug blocking operation ug gi-imbestigahan na ang maong panghitabo.

Facebook Comments