Salakyan sang syudad sang Cadiz ginapagamit para sa ila nga pumuluyo

22

Ginagamit sang city government sang Cadiz ang ila mga running assets ukon mga salakyan agud maserbisyuhan ang ila mga residente bangud sang kabudlayan sa transportasyon karun nga may ginapatuman nga minimum health standards partikular na ang pagtunga sang pasahero nga pwede pasakyon.

Sa interview sang DYHB, gin-confirm ni Mayor Salvador “Bading” Escalante Jr., nga on-call ang mga government vehicles sa ciudad kag ginapadala ini sa mga barangay kun magdinaguso na ang mga pasahero kag wala sang masakyan.


Samtang, ginapasiguro man sang alkalde nga ginatuman sang mga nagabyahe nga traysikol sa ciudad ang mga pagsulundan agud matapna ang paglapta sang COVID-19 sa diin duha lang ang allowed nga pasahero kag ang tagsa ka unit ang may partisyon man.

Ginapatuman man ang color coding sa byahe sang mga traysikol sa Cadiz City.

[image: image.png]

Facebook Comments