Salugpungan schools giimbestigahan

175

Davao City – Nagpadayon sa pagpangaylap og impormasyon ang awtoridad may kalabutan sa giingong lihis nga pagtulun-an sa Salugpungan school ug uban pang tulunghaan nahimutang sa Talaingod, Davao del Norte.

Atol sa gipahigayong AFP-PNP Presscon, gibutyag ni 1003rd Brigade Commander Brig. Gen. Ernesto Torres nga aduna nay gipasaka nga affidavit may kalabutan niini.

Saysay ni Torres nga adunay usa ka Ata kinsa kanhi supporter sa NPA ang miangkon nga usa sa iyang ginatudlo ang paggunit ug paggamit og armas hinagiban ingon man ang paggamit sa kabatan-onan batok sa gobyerno.

Dugang sa 1003rd commander nga aduna silay narekober nga mga dokumento gikan sa mga tulunghaan sa Salugpungan diin nakabutang nga tabangang armasan ang mga lumad aron madepensahan ang yutang gidak-an ingon man ang lahing liriko sa ‘Lupang Hinirang’ nga gihimong ‘Lupang Sinira’.

Gani, kumpyansa si Brig. Gen. Torres nga solido ug dakong tabang ang maong mga dokumento alang sa desisyon sa Department of Education (DEPED) bahin sa pagpasara sa Salugpungan schools.

RadyoMaN Jason Amisola

Facebook Comments