Ipinamalas ang diwa ng bayanihan sa bayan ng Rosales matapos magtulungan ang AGAGI at ang 104th Maneuver Company RMFB1 (104th MC) upang tugunan ang matagal nang suliranin ng isang pamilyang may sirang bubong.
Sa halip na ituon lamang sa pagkukumpuni ng isang bahay, naging sentro ng inisyatiba ang pagpapakita ng malasakit at mabilis na pagtugon sa pangangailangan ng komunidad.
Sa isinagawang programa ng AGAGI, agad na naitala ang agarang pangangailangan ng pamilya ng isang bubong na ligtas at matibay laban sa ulan at iba pang panganib.
Hindi na ito pinatagal pa. Sa koordinasyon ng 104th MC, personal na tumulong ang mga miyembro nito sa pagkakabit ng bagong yero at pagkukumpuni ng bubong.
Higit pa sa pisikal na pagkukumpuni, naging simbolo ang proyekto ng mas matibay na ugnayan sa pagitan ng komunidad at mga tagapagpatupad ng batas. Para sa 104th MC, ang serbisyo publiko ay hindi lamang bahagi ng kanilang mandato na isang konkretong pagkilos na nagdudulot ng agarang pagbabago at nagbibigay ng bagong pag-asa sa mga pamilyang nangangailangan. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
