Samal resort capacity gibalik sa 70%

33

IGaCoS – Human gipaubos sa 60% capacity, gisaka ngadto sa 70% ang gitugotang makasulod sa resorts sa Island Garden City of Samal (IGaCoS), Davao del Norte.

Kini subay sa gipagawas nga Executive Order (EO) No. 288 sa LGU-IGaCoS labot sa operational/seating capacity sa resorts sa isla.


“Section 5. OPERATIONAL/SEATING CAPACITY. Seating/Operational Capacity for resort facilities and establishments cited under Executive Order No. 277 as amended by Executive Order No. 284 are hereby amended from 60% to 70% capacity.”

Gipahinumdom sa lokal nga panggamhanan nga estriktong ipatuman ang health and safety protocols sa mga establisemento diin manubag usab sa balaod ang mapakyas pagsunod ug pagpatuman niini.

Una nang gisulti ni IGaCoS Mayor Al David Uy sa DXDC RMN Davao nga ang turismo ang nag-unang panginabuhian sa Samal rason nga luyo sa Coronavirus Disease 2019 (COVID-19) pandemic, ilang ginapaningkamutan nga magpabiling abli ang ilang turismo aron mabalanse ang ekonomiya ug dili grabing maapektohan ang ilang mga residente.

Gilawom gihapon sa Modified General Community Quarantine (MGCQ) ang Samal hangtud sa Mayo 31, 2021.



RadyoMaN Kirby Manzon


Facebook Comments