Samal resorts pwedeng mag-operate ilawom sa GCQ

57

Davao City – Adunay option ang ubang mga resort establishments sa Island Garden City of Samal (IGaCos) nga maka-operate gihapon ilawom sa General Community Quarantine (GCQ) status.

Sa interbyu sa DXDC RMN Davao kang Al David Uy, IGaCoS Mayor, gibutyag niini nga sa pagkakaron usa ka resort lamang ang abri sa Samal gumikan kay gi-aprubahan kini sa Department of Tourism (DOT) alang sa staycation program, diin mamahimo usab nga mo-apply ang ubang resort management alang niini.


“Naay usa ka resort which is ang Pearl Farm Beach Resort, ang nakapasa lang sa staycation program na naay rating sa DOT, so sila lang ang abri. All the rest kung makapasa sila sa DOT, they can open,” matud ni Uy.

Gibutyag ni Uy nga daghan ang naapektuhang trabahante sa syudad labi na nga turismo ang dakong industriya sa Samal.

Una nang giingon sa Alkalde nga buot kining moapelar pag-usab nga ibalik sa Modified General Community Quarantine (MGCQ) ang dakbayan tungod kay wala ginatugot ang tourism ug leisure activities sa mas hugot nga quarantine classification.

RadyoMaN Kirby Manzon




Facebook Comments