General Santos City—Samdan ang usa ka Kate Taytano, legal age, residenti sa barangay Pao-pao, Sinawal, Gensan human kining miambak sa motorsiklong gimanihuan sa iyang live-in partner human wala kini gitugutan sa nahisgutan nga modrive ug motorsiklo.
Alas 5:00 ang takna sa hapon, kagahapong adlawa, pauli na unta ang biktima uban sa iayng kapuyo sakay sa motorsiklo, dihang mihangyo ang biktima nga siya maoy modrive sa ilang motor paingon sa ilang balay.
Tungod medyo lisod ang dalan wala kini gitugutan sa live in partner niini. Pag abot sa Pao-pao road, didto na miambak ang biktima nga miresulta sa pagligid niini mao nga nakaangkon ug samad ug bun-og sa nagkandaiyang parti sa kalawasan.
Paspas man nga gidala sa iyang kapuyo ang biktima sa Dr. Jorge, Royeca Hospital ang biktima aron nga mapailawom sa medikasyon.
